كــل يوم أقول اليوم يمكن الآقيكـ ~
كل المشاعر في غيابك تناديك
يامن تغيب وتحسب اني نسيتك
ياقاطع عن درب خلك وغاليك
تراني في نص الطريق احتريتك
عل وعسى يمكن تجيبك لياليك
وتردك الذكرى ياخلي لبيتك
كل يوم اقول اليوم يمكن الاقيك
وهذي سنه مرت وانا ما لقيتك
اتعبت عقلي كل مامر طاريك
كل ما التفت اتخيل اني رايتك
ياكيف تهجرني وانا اللى مصافيك
انا الذي بعت السنين وشريتك
ليتك تعد الحق في حال هاويك
وليتك تحس شوى وتحن ليتك
تعال علمني وقول انت وشفيك؟
وش مقصدك بالصد عني؟ فديتك
ان كان غيري في حياتك مخاويك
يعطيك صعبه مثل ماانا عطيتك
وكانك نسيت اللى يحبك ويغليك
انا بحياتي كلها ما نسيتك |
|
|
|
;JJg d,l Hr,g hgd,l dl;k hgNrd;J